Тошкентнинг «Пахтакор» футбол клуби «Насаф»нинг яна икки аъзоси билан келишувга эришди — Баҳром Абдураҳимов ҳамда Дилшод Раҳматуллаев.
Ҳар икки футболчи Шота Арвеладзе мураббийлик қилаётган жамоа билан икки йиллик келишувга эришган. Бунгача «Насаф»нинг икки қанот ҳимоячиси — Акмал Шораҳмедов ҳамда Фаррух Сайфиев ҳам Тошкент гранди таклиф қилган икки йиллик битимга қўл қўйганди. Ўтган мавсумнинг ярмида эса марказий ҳимоячи Шерзод Аъзамов ва дарвозабон Элдор Суюнов 2,5 йиллик шартномаларни қўлга киритган.
Қаршида 4 та гол ўтказган «Пахтакор» клуби «Насаф»нинг яна бир футболчисини ўз сафига қўшиб олди
«Насаф»нинг яна бир аъзоси «Пахтакор»да. Акмал Шораҳмедов билан 2 йиллик шартнома тузилди
Шу тариқа «Пахтакор» бир йилнинг ўзидаёқ «Насаф»нинг олти етакчи футболчисини ўз сафига қўшиб олди. Уларнинг барчаси 2019 йил якунига қадар Тошкент клуби билан бўлади. Бош мураббий Шота Арвеладзе билан келишув эса 2018 йил сўнгига қадар амал қилади.«Насаф» Ўзбекистон чемпионатини вице-чемпион сифатида якунлашга эришганди. Кумуш медаллар учун курашда Қарши клуби «Пахтакор»ни қабул қилиб, 4:0 ҳисобида зафар қучди. Шундан сўнг «Пахтакор» раҳбарияти ва мураббийлар штаби ўзаро келишиб, жамоанинг етакчи футболчиларини қўлга киритишга ҳаракат қилди.
Бунгача «Пахтакор» таклиф билан чиқққан икки футболчи — Отабек Шукуров ҳамда Икром Алибоев масаласи ҳал бўлмаганди. «Локомотив» Алибоевни икки йиллик битимга кўндирган бўлса, Шукуров Амирликларнинг «Шаржа» клубига йўл олди.
«Бунёдкор» етакчиларидан бири Отабек Шукуров эркин агент мақомида «Шаржа» билан шартнома имзолади
«Пахтакор» Икром Алибоевни қўлга кирита олмади. Футболчи «Локомотив» билан 2 йиллик шартнома тузди
Маълумот учун, «Локомотив», «Олмалиқ», «Насаф» каби клублар шарафини ҳимоя қилган Дилшод Раҳматуллаев 1989 йилда таваллуд топган. У Олий Лигада жами 130 та учрашув ўтказган бўлиб, 10 та гол уришга эришган.
Баҳром Абдураҳимов эса 1988 йилда туғилган. У «Насаф»га қадар «Андижон» шарафини ҳимоя қилганди. Абдураҳимов учун айниқса 2017 йилги мавсум омадли келиб, у Қарши клуби учун 30 та ўйинда майдонга тушди ва 10 та гол урди. Шу тариқа Олий Лигадаги статистикаси 146 та ўйиндаги 17 та голга етди.
Изоҳ (0)