“Lokomotiv” futbolchisi Ikrom Aliboyevning “Paxtakor” bilan shartnoma tuzgani aytilgandi. Bugun — 28-dekabr kuni “temiryo‘lchilar” matbuot xizmati yarim himoyachi bilan yana 2 yillik bitimga erishilgani borasida xabar berdi.

Foto: “Lokomotiv”

“Lokomotiv” yarim himoyachisi Ikrom Aliboyev kelasi mavsumni “Paxtakor” safida boshlaydi

2012-yildan buyon “Lokomotiv” sharafini himoya qilib kelayotgan 23 yoshli futbolchi “Paxtakor” bilan qanchalik kelishuvga erishgandi-yu, voqealar rivoji keyin nima ko‘rinish olgani borasida ma’lumot yo‘q. U o‘z vaqtida O‘zbekiston milliy terma jamoasidan chaqiruv olgandi.

Aliboyev “Lokomotiv”ning yillik taqdirlash marosimida ishtirok etib, 2017-yilda qo‘lga kiritilgan oltin medallarni qabul qilib oldi. Shuningdek, klub rahbariyati futbolchilar uchun ajratilgan 21 ta Gentra avtomashinasidan birini ham katta ehtimol bilan Aliboyevga sovg‘a qilgan.

Bungacha “Paxtakor” Aliboyevdan tashqari “Bunyodkor” vakili Otabek Shukurovni ham ko‘zlayotgani borasida xabarlar bor edi. Aliboyev o‘z klubida qolgan bo‘lsa, Shukurov Amirlik klubi bilan kelishuvga erishdi. Hozircha Shota Arveladze boshqaruvidagi jamoa asosan “Nasaf” futbolchilarini “ishg‘ol qilish” ishlari bilan band.

“Bunyodkor” yetakchilaridan biri Otabek Shukurov erkin agent maqomida “Sharja” bilan shartnoma imzoladi