Бристол университети олимларининг маълум қилишича, ортиқча вазнга эга бўлган кишилар саратон, қандли диабет ва юрак-қон томир касалликларининг эҳтимолий хавфига қарамасдан, ўзини кўпинча бахтли ҳисоблайди. Бу ҳақда The Independent хабар берди.
Мутахассислар Буюк Британиянинг Biobank репозитори маълумотларидан фойдаланган. Мазкур базада ёши 40—70 да бўлган беш юз минг нафар эркак ва аёлнинг генотипи ва фенотипи сақланади. Улар 2007 йилда бошланган кенг қамровли тадқиқотда иштирок этган. Олимлар тана вазни индекси ҳамда физик ва руҳий соғлик ҳолати ўртасидаги алоқани аниқлаган.
Тадқиқот натижаларига кўра, тана вазни индекси юқори бўлганлар юқори қон босими ва қандли диабетдан азият чекади, улардаги жинсий етилиш эса вақтлироқ юз беради. Бироқ ортиқча вазнли кишилар тушкунликларга камроқ тушишини ва ҳаётидан мамнунлигини маълум қилган. Мутахассисларнинг фикрича, бу одамлар ҳаёт муаммоларига чидамли бўлиш учун вазни камроқ одамларга қараганда кўпроқ озуқа моддалари ва витаминлар олади.
Изоҳ (0)