Бўлажак онанинг қонида ҳомиладорликнинг дастлабки муддатида қанд миқдорининг юқори бўлиши боланинг юрак нуқсони билан туғилиш хавфини оширади. Бу ҳақда Стенфорд университетининг Тиббиёт мактаби олимлари маълум қилди, деб ёзмоқда «РИА Новости».
Мутахассислар дастлаб қандли диабетга чалинган оналардан туғилган болалар шундай муаммоларга дуч келган, деб ҳисоблаган. Энди олимлар онада қандли диабетнинг йўқлиги бола юрагининг соғлом ривожланишига кафолат бермайди, деган хулосага келди.
Ўтказилган тажрибалар она қонининг ҳар децилитрида глукозанинг 10 миллиграммга ошиши боланинг юрак нуқсони билан туғилиш хавфини саккиз фоизга оширади. Тадқиқот натижалари тасдиқланадиган бўлса, шифокорлар болаларнинг юрак нуқсони билан туғилишининг олдини олиш учун оналарга керакли муолажани белгилай олади.
Изоҳ (0)