Олимлар глобал иқлим исиши Европага қочоқлар оқимининг кучайишига сабаб бўлишини маълум қилди

Глобал иқлим исиши ҳозирги ҳолатда давом этса, Европада бошпанага эга бўлишни хоҳловчи қочоқлар сони кейинги юз йилликнинг бошида уч мартага кўпайиши мумкин. Бу ҳақда «РИА Новости» хабар берди.

Колумбия университети олими Волфрам Шленкернинг маълум қилишича, глобал иқлим исиши асосан иссиқ ҳудудлардаги ночор мамлакатларга таъсир қилаётган бўлса ҳам, Ернинг барча ҳудудларидаги алоқалар сабабли «иқлимий қочоқлар» Европага ёпирилади.

Антик даврлар ва ўрта асрлардаги Европа иқлимининг таҳлилига кўра, аввалги глобал исиш ва совишлар VII—VIII асрларда Византиянинг қулашига ва Ғарбга 1242 йилда мўғул юришининг тўхташига сабаб бўлган.

Тадқиқотлар натижаларига кўра, 2000—2014 йилларда дунёнинг 103 мамлакатидан Европа Иттифоқи мамлакатларига сўров жўнатган муҳожирлар сони ёзги одатий ҳарорат 20 даражадан ошган йилларда кескин ўсган.