АҚШнинг Йель университети молекуляр биологлари ОИТВ(Одам иммун танқислиги вируси)га ҳужайра ДНКсига ўзини киритишга ёрдам берувчи фермент ишини тиядиган ўта самарали дорини яратди ва унинг ёрдамида сичқонларни инфекциядан ҳимоялади, деб ёзади «РИА Новости» PNAS журналида чоп этилган мақолага таяниб.
«Бизнинг ‘модда-1’имиз билан тўлдирилган нанозаррачаларнинг битта дозаси сичқонларнинг Т-ҳужайраларини оммавий қирилиб кетишдан ҳимоя қилди ва уч ҳафта давомида вирусли заррачаларнинг концентрациясини минимал даражада ушлаб турди. ‘Модда-1’ ОИТВнинг оддий клиник штаммлари билан ҳам, унинг мустаҳкам версиялари билан ҳам курашишга қодир», — деб ёзади Кэрен Андерсон ва унинг Йель университетидаги ҳамкасблари.
Олимлар аниқлик киритишича, ҳозирда ОИТВга чалинганлар антиретровирус препаратларини қабул қилиб ўнлаб йил умр кечириши мумкин. Аммо улар кучли ножўя таъсирларни келтириб чиқариши туфайли, шифокорлар уларни қабул қилишни бир неча ҳафтага тўхтатишга мажбур бўлади. Шунда ОИТВ жадаллик билан ривожланиб, уч ёки икки ҳафтада инфекциянинг бошланғич кўламига қайтиб олади. Сўнгги йилларда олимлар вируснинг бундай «контрҳужуми»га йўл қўймасликка ёрдам берувчи дорини топишга ҳаракат қилмоқда.
Изоҳ (0)