Краснодарлик судья қизининг тўйи шаҳзода Гарри ва Алла Пугачёванинг тўйларини ҳам ортда қолдирди

2017 йилда маълум бўлган энг эсда қоларли никоҳ тўйлари рейтинги тузилди, деб ёзади «Фотошедевр». Рўйхатда краснодарлик судья қизининг никоҳ маросими етакчилик қилди. Матбуотни ушбу тадбирни ўтказишга сарфланган сумма ўзига жалб қилди.

Иккинчи ўринни шаҳзода Гарри ва қаллиғи Меган Марклнинг ҳали бўлиб ўтмаган тўйи эгаллади. Никоҳ маросими келаси йилнинг баҳорида ўтказилади, аммо унаштирувдан сўнг улар ОАВда энг кўп муҳокама қилинаётган жуфтликлардан бирига айланди.

Етакчи учликка хоккейчи Александр Овечкин ва Анастасия Шубскаянинг тўйи якун ясади. Маросим чоғида спортчига Россия президентининг шахсан ўзи қўнғироқ қилиб, уни ҳаётидаги янги босқич билан табриклаган.

Рейтингдан, шунингдек, модель Виктория Лопирёва ва қўшиқчи Николай Басковнинг 2018 йил ёзида бўлиб ўтадиган тўйи, хонанда Алла Пугачёва ва Максим Галкиннинг никоҳ маросими, Никита Пресняков ва Алёна Краснова, Лионель Месси ва рафиқасининг тўйлари, Яна Рудковская ва Евгений Плюшченконинг никоҳ маросими жой олди.

Эслатиб ўтамиз, Россиянинг Краснодар ўлкаси судьяси Елена Хахалева қизининг тўйини уюштириб, унга 2 миллион доллар сарфлаган эди.