Журналист Феруз Муҳаммад «Дарё» интернет-нашри учун «Дарё cover» лойиҳасини ташкиллаштирди. Лойиҳада эндигина санъат оламига қадам қўйган истеъдодли ёшлар жонли ижрода устоз санъаткорларнинг қўшиқларини куйлашади.
Лойиҳанинг биринчи меҳмони Зўр тв телеканалининг «The cover up» лойиҳаси орқали кўплаб мухлислар орттирган ёш хонанда Зоҳида бўлди.
Зоҳида «Дарё cover» лоҳиҳасида Ўзбекистон халқ артисти Насиба Абдуллаева, Ўзбекистонда хизмат кўрсатган артист Севара Назархон, хонанда Шаҳзода, «Саҳар» гуруҳининг ҳамда чет эллик хонандадаларнинг қўшиғини ўзининг талқинида куйлади. «Дарё cover»нинг илк сонида Зоҳида «Зебо» деб номланган муаллифлик қўшиғини ҳам куйлаб берди.
Шунингдек, Зоҳида «The cover up» кўрсатувида ҳакамлик қилган хонандаларнинг иштирокчиларга қўйган балларига эътироз билдирди.
Жаҳонгир Отажоновнинг Муштарийга умуман балл қўймаслигини нотўғри деб ҳисоблайман. Ҳеч бўлмаганда 5-6 балл қўйишлари керак эди, чунки Муштарий озмунча ҳаракат қилгани йўқ, туркча нолалар билан ижро қилиш жуда ҳам мушкул. Айниқса инглизча, испанча қўшиқлар айтиб юрган қиз туркча нолалар билан қўшиқ айтганини ҳам ҳисобга олиб яхшироқ балл қўйсалар бўларди.Маълумот учун, Зоҳида 1995 йил 10 май куни Фарғона шаҳрида таваллуд топган. Олти ёшидан мусиқа билан шуғулланиб келаётган ёш хонанда, бугунги кунда Ўзбекистон давлат Консерваториясининг анъанавий хонандалик бўлимида ўқишни давом эттирмоқда.Ўзимга келадиган бўлсак, Руслан Шариповнинг қўйган балларига озгина норози бўлганман. Ўзимда хатолик бўлганини тан оламан, лекин қўйган баллари меҳнатимизга яраша бўлмади деб ҳисоблайман. Бу менинг шахсий фикрим, балки бу кўпларга ёқмагандир, аммо улар меҳнатимизга яраша балл қўймадилар деган фикрдаман.
Зоҳида, хонанда
Лойиҳа «Дилшоҳ медиа» кинокомпанияси томонидан суратга олинди.
Изоҳ (0)