Испаниялик машҳур қўшиқчи Энрике Иглесиас «Истиқлол» санъат саройида концерт беради. Бу ҳақда «Истиқлол» санъат саройи директори Исроил Ғуломов журналист Феруз Муҳаммадга маълум қилди.
Испаниялик машҳур қўшиқчи Энрике Иглесиас 28 декабрь куни юртимизда концерт дастурини тақдим қилиши кутилмоқда. Концерт дастури ижтимоий тармоқларда тарқалгани каби Халқаро форумлар саройида эмас, «Истиқлол» санъат саройида бўлиб ўтиши режалаштирилмоқда. Ҳозирча концерт дастурининг билет нархлари маълум эмас.Маълумот учун, Энрике Иглесиас 1975 йил 8 май куни Испаниянинг Мадрид шаҳрида туғилган. Энрике Иглесиас ҳозирги кунда Лотин Америкаси мусиқасининг энг таниқли қўшиқчисидир. Унинг Bailando видео клипи Youtube ижтимоий тармоғида 2,5 млрд маротаба кўрилган.Исроил Ғуломов, «Истиқлол» санъат саройи директори
Қўшиқчинг Ring my bells, Escape, Bailamos, Hero қўшиқлари ҳам хит даражасига чиққан. Энрике Иглесиаснинг отаси Хулио Иглесиас ҳам машҳур қўшиқчи бўлиб, у ҳам ўз вақтида Тошкентга келган эди.
Изоҳ (0)