Проф рингдаги фаолиятини АҚШда давом эттираётган ўзбекистонлик Хуршид Норматов кетма-кет бешинчи ғалабасини қўлга киритди. Бу ҳақда «Оламспорт» нашри хабар берди.
Нью-Йоркдаги BB King Blues Club & Grill аренасида у Пуэрто-Рико вакили Николас Флазга қарши жанг ўтказиб, рақибини очколар фарқи бўйича мағлуб этди ва профессионал боксдаги мағлубиятсиз юришини давом эттира олди. Аслида Флаз ҳам Норматовга қадар ўзи ўтказган барча жангларда зафар қучиб келаётганди.
Жанг режалаштирганимдан қийинроқ кечди. Осон ғалабага эришаман деб, бироз бошқача кайфиятда рингга чиққандим. Очколар бобида яққол устунлик билан зафар қучганимга қарамай, бу жанг мен учун яхшигина сабоқ бўлди. Кейинги жангларимда бу каби хатоларни такрорламасликка ҳаракат қиламан.Чарм қўлқоп устасининг сўзларига кўра, у Ҳарри Старк ҳамда Андре Розиер билан ҳамкорликда фаолият олиб бормоқда ва жангларига уларнинг ёрдамида тайёргарлик кўрмоқда. Айни вақтда Dibella Entertainment промоутерлик компанияси билан шартномаси бор.Хуршид Норматов, боксчи
Режага кўра, ўзбекистонлик Норматов навбатдаги жангини февраль ёки март ойларидан бирида ўтказади ва шундан сўнг кичик таътил олиб, дам олиш учун Ўзбекистонга қайтади. Унинг ота-онаси ҳам айни вақтда АҚШда бўлиб турибди.