Ўзбекистон бокс тарихида илк бор: халқаро мусобақада 10 та имкониятдан 10 та олтин қўлга киритилди

Россиянинг Ярославль шаҳри мезбонлик қилган бокс бўйича халқаро турнирда ўзбекистонлик спортчилар ҳеч кимга имконият қолдирмади.

Мусобақанинг ҳар 10 та вазн тоифасида ўзбекистонлик спортчилар олтин медални қўлга киритди ва табиийки, умумжамоа ҳисобида биринчи бўлди, деб ёзди Ўзбекистон бокс федерацияси. Турнирда Ўзбекистондан ташқари Россия, Беларусь, Қозоғистон ва Украинадан спортчилар иштирок этганди.

Мусобақа ғолиблари

• -48 кг: Аҳмад Аҳмедов
• -50 кг: Кобланбай Тўрабоев
• -52 кг: Фарҳод Эшмаҳаметов
• -54 кг: Руслан Абдуллаев
• -57 кг: Асадбек Абдураимов
• -60 кг: Фарруҳ Ҳасанов
• -63 кг: Логин Петров
• -66 кг: Нурислом Исомилов
• -70 кг: Жаҳонгир Зокиров
• -75 кг: Шоҳжаҳон Абдуллаев

Мусобақага ўзбекистонлик боксчиларни мураббий сифатида Александр Петров ҳамда Лазиз Зокиров олиб борганди.

Бунгача Ўзбекистон бокс термасининг асосий спортчилари Тошкент мезбонлик қилган Осиё Чемпионатида 10 та имкониятдан 9 та олтин медаль олгани билан Осиё рекордини ўрнатганди. Россиядаги халқаро турнир нуфузи жиҳатдан қитъа биринчилиги билан беллаша олмаса-да, унда иштирок этган ўзбекистонлик ҳеч бир боксчини енгиб бўлмагани эътиборга молик.

Ўзбекистон бокс федерацияси Осиёда энг яхшиси, Шаҳрам Ғиёсов эса йил спортчиси деб топилди