Араб давлатлари лигаси АҚШни Қуддусни Исроил пойтахти сифатида тан олиш ҳақида қабул қилган қарорини бекор қилишга чақирди ва уни халқаро қонунчиликни бузувчи ҳамда БМТ Хавфсизлик кенгаши қарорларига зид, қонун кучига эга бўлмаган қарор сифатида баҳолади. Бу ҳақда Араб давлатлари лигаси мамлакатлари ташқи ишлар вазирларининг Миср пойтахтида бўлиб ўтган фавқулодда йиғилиши якунлари бўйича 10 декабрь, якшанба куни қабул қилинган баёнотда маълум қилинди, деб ёзади «ТАСС».
«АҚШнинг Қуддусни Исроил пойтахти деб тан олиш ҳақидаги қарори халқаро қонунчилик ва БМТ Хавфсизлик кенгаши томонидан қабул қилинган резолюцияларни хавфли бузиш ҳисобланади», — таъкидланади баёнотда.
«БМТ Хавфсизлик кенгаши резолюцияларига асосланиб, — дейилади ҳужжатда, — араб давлатлари ТИВ раҳбарлари Қуддуснинг халқаро тан олинган мақомини ўзгартиришга қаратилган ҳар қандай бир томонлама ҳаракатларни рад этади».
Вашингтон сиёсатининг ўзгаришидан келиб чиқиб, араб мамлакатлари АҚШ ҳудуддаги тинч йўл билан тартибга солиш жараёнида ҳомий ва воситачи сифатида ўзини яккалаб қўйди деб ҳисоблайди.
Вазирлар АҚШнинг Қуддусга нисбатан қарори оқибатларини кўриб чиқиш учун араб давлатларининг навбатдан ташқари юқори даражадаги учрашувини чақириш юзасидан фикр билдирди.
Изоҳ (0)