Номаълум шахслар 27 ноябрь, душанба куни Буркина-Фасо пойтахти Уагадугуда Франция президенти Эммануэль Макроннинг ташрифига икки соат қолганида француз ҳарбийларига ҳужум уюштирди. Бу ҳақда Agence France Presse’га таяниб, «ТАСС» хабар берди.
Маълумотларга кўра, ҳужум уюштирганлар соат 20:00 да мотоциклда француз автомобилларига яқинлашган ва уларга граната отган. Граната «нишон»га етиб бормаган, аммо унинг портлаши оқибатида уч нафар маҳаллий аҳоли жароҳат олган. Франция президенти Уагадугуга соат 22:30 да етиб келган.
Француз ҳарбийлари минтақада 2014 йилнинг ёзидан буён, Ғарбий Африканинг бешта мамлакати — Буркина-Фасо, Мавритания, Мали, Нигер ва Чад ҳукуматлари билан ҳамкорликдаги «Бархан» операцияси сабаб бўлиб турибди. Уларнинг мақсади Ливиядан Гвинея-Бисаугача бўлган минатақадаги жангарилар гуруҳига қарши курашишдан иборат.
Аввалроқ, Франция президенти Буркина-Фасога Европа Иттифоқининг Африка билан муносабатларини мустаҳкамлаш мақсадида ташриф буюришини маълум қилганди.
Изоҳ (0)