Қандолатчилик санъати бўйича жаҳон чемпиони, Vip-Masters малакали қандолатчилар мактаби асосчиси Александр Кислицин Тошкентда навбатдаги мастер-классни ўтказади.
Учта мастер-класс муваффақиятли ўтказилганидан сўнг, Тошкент қандолатчилари малакали мутахассис раҳбарлигида ўқишни давом эттириш истагини билдирдилар. Шу сабабли 2017 йилнинг 27, 28, 29 ноябрь кунларида пойтахтнинг малакали қандолатчилари, шунингдек, қандолатчиликка қизиқувчилар ҳам Александр Кислицин раҳбарлигида десертлар тайёрлаш бўйича ўз маҳоратларини янада оширишлари учун имконият юзага келди.
Бу гал иккита мастер-класс: «Вена пишириқлари ва нон» ҳамда «Замонавий тортлар ва пирожнийлар» мастер-класслари ўтказилади.
Тадбир ташкилотчиси Vip-Masters мактабининг Тошкентдаги вакили, Viva Maria шоколатерияси раҳбари Мария Портнова мастер-класс қатнашчилари ўз малакаларини ошириш учун зарур бўлган билим ва кўникмаларни олиш имкониятига эга эканлигига ишонч билдирди.
Александр 14 ёшидан Marriott, Baltschug Kempinski меҳмонхоналари ошхоналарида ошпаз ёрдамчиси сифатида иш бошлади ва бир қанча машҳур ресторанларда хорижий усталарнинг тажрибасини ўрганди. Шу билан бир вақтда у технолог, қандолатчи ва педагогликка ўқиди. 18 ёшидан Александр мусобақаларда қатнашиб, уларда ўз ишлари билан халқаро ҳакамларни ҳайрон қолдиради, касбдошлари ўртасида эса ҳурмати ортиб боради, унга ҳавас қиладилар. Биринчи ғалабаларидан кейин уни олий тоифали Pariz’en француз ресторанига шеф-қандолатчи лавозимига ишга таклиф қилдилар, бу ерда у нозик таъбли десерт картасини ишлаб чиқди. World Chocolate Masters танловидаги ғалабасидан сўнг, унга Россиянинг энг яхши қандолатчиси унвонини беришди. 21 ёшида Люксембургда қандолатчилик бўйича жаҳон чемпиони бўлди. Оламшумул ғалабасидан кейин уни бутун Россия бўйлаб мастер-класслар ўтказиш учун таклиф қила бошладилар, шунингдек, кафелар ва ресторанларда қандолат маҳсулотлари турларини янгилаш бўйича маслаҳат, янги ишлаб чиқаришларни ташкил этишда ёрдам беришини сўраб таклиф қилдилар. Жуда кенг қамровли ишларни амалга оширган ҳолда, Александр 2008 йилда Москвада Vip-Masters касб мактабини ташкил қилиб, у ерда зарур билим олиш ва малака ошириш имконияти вужудга келди.
+989(90) 945-66-86.
Реклама ҳуқуқи асосида!
Изоҳ (0)