Бухорода пластик карточкалардаги пулларни нақдлаштириб беришни ваъда қилиб бир неча нафар фуқароларни чув туширган фирибгарлар аниқланди. Бу ҳақда Бухоро вилояти Ички ишлар бошқармаси расмий сайтида хабар берилди.
Қоровулбозор тумани, Мустақиллик кўчаси 1-уй, 6-хонадонда яшовчи, 1995 йилда туғилган Убайдуллаев Муҳриддин Ҳусниддин ўғли ўзгаларнинг мол-мулкини қўлга киритиш мақсадида жиноий шериги Қоровулбозор тумани, Бўзачи МФЙ, Сардоба қишлоғида яшовчи, 1993 йилда туғилган Зарипов Нодиржон Олимжон ўғли билан жиноий тил бириктириб, бир гуруҳга бирлашиб, Жондор тумани, Қароли МФЙ, Хорсафед қишлоғида яшовчи Жабборов Руслан Илҳомовичга тегишли бўлган «Микрокредитбанк» томонидан берилган, 11 275 000 сўм пули бўлган пластик карточкани алдаб ва ишончни суиистеъмол қилиш йўли билан 13 фоизга нақдлаштириб беришни ваъда қилиб, фирибгарлик йўли билан пластик карточкани қўлга киритиб, жабрланувчига жами 11 275 000 сўм миқдорида моддий зарар етказганлиги аниқланган.
Бундан ташқари, М.Убайдуллаев жиноий ҳаракатларини давом эттириб Қоровулбозор шаҳар, Алпомиш кўчаси 44-уйда яшовчи, 1965 йилда туғилган, уй бекаси Сайфиддинова Нигора Садриддиновнанинг «Ўзсаноатқурилишбанк» томонидан берилган, 6 074 000 сўм пули бўлган пластик карточкасини алдаб, фирибгарлик йўли билан қўлга киритиб, 5 фоизга нақдлаштириб беришни ваъда қилиб, жабрланувчига жами 6 074 000 сўм миқдорида моддий зарар етказганлиги аниқланган.
Ушбу ҳолат юзасидан М.Убайдуллаев ва Н.Зариповга нисбатан Ўзбекистон Республикаси Жиноят Кодексининг 168-моддаси 2-қисми (фирибгарлик) билан қўшимча жиноят иши қўзғатилган.
Изоҳ (0)