20 ноябрнинг эътиборга молик янгиликлари — «Дарё»нинг кечки дайжестида.
1. Ўзбекистонда 1 декабрдан энг кам иш ҳақи, пенсиялар ва стипендиялар миқдори 15 фоизга ошади. ЭКИҲ миқдори 149 775 сўмдан 172 240 сўмгача ошади.
2. Шавкат Мирзиёев муштумзўр ҳокимлар ҳақида: «Уларнинг ҳаракатлари Президент сиёсатига қарши чиқиш деб баҳоланади». Сентябрда Сирдарё вилоятида бир шунақа ҳоким топилган эди.
3. Ўзбекистоннинг бир қатор давлат сайтлари ишламай қолди. Улар киберҳужумга учрагани тахмин қилинмоқда. Сайти ишламай қолганлар орасида Адлия вазирлиги, Давлат тест маркази ва Тошкент шаҳар ҳокимлиги бор.
4. «Транснефть» Ўзбекистонга синов тариқасида нефть етказиб беришни бошлади. Етказиб бериладиган хом ашё ҳажми ойига 30 минг тоннадан иборат.
5. Тошкентдаги руҳий касалликлар шифохонасидан уч бемор қочиб кетди. Қочоқ беморлардан бири Самарқанд вилоятидан, қолган иккиси эса Қашқадарёдан экани айтилмоқда.
Изоҳ (0)