Qandolatchilik san’ati bo‘yicha jahon chempioni, Vip-Masters malakali qandolatchilar maktabi asoschisi Aleksandr Kislitsin Toshkentda navbatdagi master-klassni o‘tkazadi.
Uchta master-klass muvaffaqiyatli o‘tkazilganidan so‘ng, Toshkent qandolatchilari malakali mutaxassis rahbarligida o‘qishni davom ettirish istagini bildirdilar. Shu sababli 2017-yilning 27, 28, 29-noyabr kunlarida poytaxtning malakali qandolatchilari, shuningdek, qandolatchilikka qiziquvchilar ham Aleksandr Kislitsin rahbarligida desertlar tayyorlash bo‘yicha o‘z mahoratlarini yanada oshirishlari uchun imkoniyat yuzaga keldi.
Bu gal ikkita master-klass: “Vena pishiriqlari va non” hamda “Zamonaviy tortlar va pirojniylar” master-klasslari o‘tkaziladi.
Tadbir tashkilotchisi Vip-Masters maktabining Toshkentdagi vakili, Viva Maria shokolateriyasi rahbari Mariya Portnova master-klass qatnashchilari o‘z malakalarini oshirish uchun zarur bo‘lgan bilim va ko‘nikmalarni olish imkoniyatiga ega ekanligiga ishonch bildirdi.
Aleksandr 14 yoshidan Marriott, Baltschug Kempinski mehmonxonalari oshxonalarida oshpaz yordamchisi sifatida ish boshladi va bir qancha mashhur restoranlarda xorijiy ustalarning tajribasini o‘rgandi. Shu bilan bir vaqtda u texnolog, qandolatchi va pedagoglikka o‘qidi. 18 yoshidan Aleksandr musobaqalarda qatnashib, ularda o‘z ishlari bilan xalqaro hakamlarni hayron qoldiradi, kasbdoshlari o‘rtasida esa hurmati ortib boradi, unga havas qiladilar. Birinchi g‘alabalaridan keyin uni oliy toifali Pariz’en fransuz restoraniga shef-qandolatchi lavozimiga ishga taklif qildilar, bu yerda u nozik ta’bli desert kartasini ishlab chiqdi. World Chocolate Masters tanlovidagi g‘alabasidan so‘ng, unga Rossiyaning eng yaxshi qandolatchisi unvonini berishdi. 21 yoshida Lyuksemburgda qandolatchilik bo‘yicha jahon chempioni bo‘ldi. Olamshumul g‘alabasidan keyin uni butun Rossiya bo‘ylab master-klasslar o‘tkazish uchun taklif qila boshladilar, shuningdek, kafelar va restoranlarda qandolat mahsulotlari turlarini yangilash bo‘yicha maslahat, yangi ishlab chiqarishlarni tashkil etishda yordam berishini so‘rab taklif qildilar. Juda keng qamrovli ishlarni amalga oshirgan holda, Aleksandr 2008-yilda Moskvada Vip-Masters kasb maktabini tashkil qilib, u yerda zarur bilim olish va malaka oshirish imkoniyati vujudga keldi.
+989(90) 945-66-86.
Reklama huquqi asosida!
Izoh (0)