Бангкок жанубида саккизоёқ кўринишидаги карусель қулаши туфайли 15 киши жароҳатланди. Бу ҳақда «РБК» хабар бермоқда.
Ҳодиса 19 ноябрь, якшанба куни кечки пайт, маҳаллий вақт билан соат 21.00 да рўй берди. 40 кишига мўлжалланган аттракцион ишга туширилгани заҳоти ундан йўловчилар тушган икки кажава узилди, қурилманинг ўзи эса кескин тўхтаб, қийшайиб қолди.
Барча жабрланганлар касалхонага етказилди. Ҳодиса жойига келган полиция аттракцион эгаси ва операторини сўроқ қилди. Дастлабки маълумотларга кўра, авария карусел гидравлика тизимидаги носозлик сабабли содир бўлган.
Изоҳ (0)