Япония ҳудудидаги барча америкалик ҳарбийларга Окинавада юз берган маст денгиз пиёдаси иштирокидаги йўл-транспорт ҳодисасидан сўнг алкоголь истеъмоли тақиқланди. Бу ҳақда АҚШ ҳарбий кучлари қўмондонлиги маълумотига асосланиб, «ТАСС» хабар бермоқда.
Мазкур ЙТҲ оқибатида маҳаллий аҳоли вакили ҳалок бўлди.
«Япония ҳудудидаги ҳарбий хизматчиларга база ва унинг ташқарисида алкоголь маҳсулотлари сотиб олиш тақиқланди», — дейилади хабарда.
Шу билан бирга ҳарбий хизматчиларнинг ЙТҲ содир бўлган ҳудуд — Окинавага келиши уларнинг базаси ва яшаш жойлари томонидан чекланди.
Хабарда қайд этилишича, бу янги чекловлар 19 ноябрь, якшанба куни тонгда Наха шаҳрида юз берган ва маҳаллий аҳоли вакилининг ўлими билан якунланган бахтсиз ҳодисадан сўнг ўрнатилди.
Изоҳ (0)