Bangkok janubida sakkizoyoq ko‘rinishidagi karusel qulashi tufayli 15 kishi jarohatlandi. Bu haqda “RBK” xabar bermoqda.
Hodisa 19-noyabr, yakshanba kuni kechki payt, mahalliy vaqt bilan soat 21.00 da ro‘y berdi. 40 kishiga mo‘ljallangan attraksion ishga tushirilgani zahoti undan yo‘lovchilar tushgan ikki kajava uzildi, qurilmaning o‘zi esa keskin to‘xtab, qiyshayib qoldi.
Barcha jabrlanganlar kasalxonaga yetkazildi. Hodisa joyiga kelgan politsiya attraksion egasi va operatorini so‘roq qildi. Dastlabki ma’lumotlarga ko‘ra, avariya karusel gidravlika tizimidagi nosozlik sababli sodir bo‘lgan.
Izoh (0)