Шимолий Корея расмийлари АҚШ билан урушда ғалаба қозонишига шубҳа қилмайди. Бу ҳақда КХДРнинг Таиланддаги элчиси Мун Сон Мо The Nation нашрига берган интервьюсида маълум қилди, дея хабар беради «ТАСС».
«Бизда ҳозир водород бомбаси бор. Агар уруш бошланса, жангга тайёрмиз ва шубҳасиз, Қўшма Штатларни мағлуб қиламиз», — деди Шимолий Корея дипломати.
Шу билан бирга, Мун Сон Мо КХДР урушни бошлашни истамаслиги, бироқ АҚШ президенти Дональд Трамп билан музокаралар олиб бориш имкониятини кўрмаётганлигини билдирди.
«БМТдаги чиқиши чоғида Шимолий Кореяни буткул йўқ қилиши мумкинлигини маълум қилган одам билан қандай музокаралар олиб бориш мумкин? Бу Трамп Шимолий Кореянинг 25 миллион аҳолисини ўлдирмоқчи бўлганини англатади», — таъкидлади Мун Сон Мо.
Изоҳ (0)