Германия Эркин демократик партияси янги Бундестагда ҳукмрон коалиция тузиш ҳақидаги музокараларни тўхтатди. Улар Ангела Меркелнинг ХДС/ХСС блоки ва «Яшиллар» билан бирга «Ямайка» коалициясининг бир қисмига айланиши керак эди, дея хабар беради Meduza.
«Мамлакатни ёмон бошқаргандан кўра умуман бошқармаган маъқул», — деди Эркин демократлар етакчиси Кристиан Линднер.
Музокаралардаги келишмовчиликларнинг асосий сабаблари сифатида солиқ ислоҳоти, иммиграция сиёсати (Меркель муҳожирлар қабул қилишни қисқартиришни таклиф этмоқда) ва атроф-муҳит муҳофазаси мавзулари эканлиги билдирилмоқда.
Энди воқеалар ривожининг икки варианти кўриб чиқилмоқда: Меркель мухолифат партиялар овозларини тўплаб, камчилик коалициясини шакллантириши мумкин ёки Бундестагга қайта сайлов эълон қилинади.
Изоҳ (0)