Норвегиянинг 80 ёшли қироли Харальд V инфекция юқтириб олгани туфайли шифохонага ётқизилди. Бу ҳақда қирол саройи матбуот хизматига асосланиб, «Казинформ» хабар бермоқда.
«Қирол ҳазрати олийлари инфекция туфайли Осло шаҳридаги Қироллик шифохонасига жойлаштирилди. Ҳозирда унинг аҳволи қониқарли, қирол аста-секин тузалмоқда»,— дейилади хабарда.
Сарой ходимлари қирол душанба куни иштирок этиши мўлжалланган тадбирда қатнаша олмаслигини маълум қилган.
Харальд V га 2003 йилда саратон ташхиси қўйилган, шу муносабат билан унинг қовуғи олиб ташланган. 2005 йилда унинг юрагидаги аорта клапанини алмаштириш учун бир неча бор операциялар қилинган.
Бироқ, шунга қарамай норвегиялик монарх ҳозирга қадар фаол ҳаёт тарзини олиб боришда давом этмоқда ва бутун дунё бўйлаб турли тадбирларда қатнашмоқда.
Изоҳ (0)