Буюк Британия қироличаси Елизавета II ва унинг турмуш ўртоғи шаҳзода Филипп 20 ноябрь, душанба куни платинали тўй — никоҳ қурганларининг 70 йиллигини нишонламоқда. Бу ҳақда «ТАСС» хабар бермоқда.
Мамлакат тахтини эгаллаган ҳеч бир шахс шу пайтгача турмуши билан боғлиқ бундай юбилейни нишонламаганди.
Букингем саройи вакиллари бундан бир ой аввал сана муносабати билан тантаналар кўзда тутилмаганини билдирганди. 91 ёшли Елизавета ва 96 ёшли Филипп бу кунни Виндзор қалъасида ўтказади. Бироқ Sky News телеканали қиролича ва шаҳзода оила аъзолари, яқин дўстлар учун тадбир уюштиришини маълум қилди.
18 ноябрь, шанба куни жуфтликнинг платинали тўйга бағишланган расмий фотоси эълон қилинди. Британиялик таниқли фотограф-портретчи Мэтт Холиоук унга муаллифлик қилди.
Изоҳ (0)