Техасдаги черковда отишма уюштирган ва 26 кишининг умрига зомин бўлган шахс жиноятга оиладаги муаммолар туфайли қўл урган бўлиши мумкин. Бу ҳақда штат жамоат хавфсизлиги бошқармаси вакили Фриман Марвин маълум қилди, дея хабар беради «ТАСС».
«Ирқий ёки диний мотивлар бўлмаган. Биз оилавий можаролар мавзусини текширяпмиз, бу оилавий муаммо», — деди Марвин.
Унинг айтишича, мерган Девин Келли собиқ рафиқасининг ота-онасига таҳдидли матнлар йўллаган. Улар ва собиқ хотини мазкур черковга қатнаб турган, бироқ фожиа пайти бу ерда бўлмаган.
АҚШ ҲҲКда хизмат қилган Келли 2014 йилда турмуш ўртоғи ва боласига шафқатсиз муносабатда бўлгани учун трибунал олдида жавоб берганди.
Изоҳ (0)