Амур вилоятининг Экимчан қишлоғи ҳудудида Ан-2 самолёти ҳалокатга учради. Бу ҳақда «Интефакс» нашри ўз манбасига асосланиб маълум қилди, деб хабар берди «Газета.ru».
«Самолёт Экимчандан Удское қишлоғига қараб учаётган бўлган. Самолёт баландликка кўтарилди ва номаълум сабабларга кўра қулаб тушди ва ёниб кетди», — дейди манба.
Манбанинг айтишича, ҳаво кемаси бортида икки киши бўлган. Дастлабки маълумотларга кўра, улардан бири вафот этган.
Таъкидланишича, ҳалокатга учраган самолёт хусусий авиакомпанияга тегишли бўлган.
Изоҳ (0)