«КДВ групп» снеклари («Кириешки», «Бабкини семечки», «Чипсони») ишлаб чиқарувчиси раҳбари Денис Штенгелов Bloomberg талқинига кўра, доллар миллиардерига айланди. Бу ҳақда «РБК» хабар бермоқда.
Bloomberg Штенгеловнинг бойлиги 1 миллиард доллардан ошганлигини ёзади. Штенгелов «КДВ групп»га 1997 йилда асос солган. Ҳозир компания таркибида фаолият кўрсатаётган 11 та фабрика 20 дан ортиқ бренд остида 350 дан ортиқ маҳсулот, жумладан, «Кириешки», «3 корочки» сухарилари, «Чипсони» чипсилари, «Яшкино» вафлиси, шунингдек «Бабкини семечки» кабиларни ишлаб чиқармоқда. «КДВ групп» маҳсулотлари МДҲнинг баъзи мамлакатларига экспорт қилинади.
«Штенгелов ўз бизнесини кенгайтириш ва жиддий мустаҳкамлаш учун иқтисодий ўсиш суръатларининг пасайишидан фойдаланди», — дейди Wаlnut Capital консалтинг компанияси бошқарувчи шериги Артём Моторний. Рубль девальвацияси какао нархи ошишига сабаб бўлди, бунинг оқибатида шоколад нархи ошиб кетди — шунинг учун россияликлар хамирдан тайёрланган кондитер маҳсулотларини («КДВ групп» бизнеси йўналишларидан бири) афзал кўра бошлади, дейди Кондитер бозори тадқиқотлари маркази ижрочи директори Елизавета Никитина.
2016 йилда «КДВ групп» Россия бозорида снеклар сотиш бўйича Mondelez’дан кейинги, иккинчи ўринни эгаллади.
Изоҳ (0)