АҚШнинг Калифорния штатидаги бошланғич мактабда ўқувчилардан бирининг отаси ўқитувчини гаровга олди. Бу ҳақда «РБК» хабар бермоқда.
Ҳодиса Риверсайд шаҳридаги «Касл Вью» мактабида юз берди. Синф хонасида ўқитувчи ва ўқувчилардан бирининг отаси қамалиб қолган. Шундан сўнг мактабнинг бошқа ходимлари ва ўқувчилар эвакуация қилинган. Полиция эркакка қарата ўқ узган. У шифохонага ётқизилган. Унинг ҳозирги аҳволи ҳақида маълумот берилмаган. Гаровга олинган ўқитувчи ҳам жароҳат олмаган бўлса-да, шифохонага ётқизилган.
Эркак нима мақсадда ўқитувчини гаровга олгани номаълум.
Маълумотларга кўра, эркак мактаб қоровулига тан жароҳати етказиб бинога кириб олган.
Изоҳ (0)