“Kiriyeshki” ishlab chiqaruvchisi sohibi Bloomberg talqiniga ko‘ra milliarder deb topildi

“KDV grupp” sneklari (“Kiriyeshki”, “Babkini semechki”, “Chipsoni”) ishlab chiqaruvchisi rahbari Denis Shtengelov Blоomberg talqiniga ko‘ra, dollar milliarderiga aylandi. Bu haqda “RBK” xabar bermoqda.

Bloomberg Shtengelovning boyligi 1 milliard dollardan oshganligini yozadi. Shtengelov “KDV grupp”ga 1997-yilda asos solgan. Hozir kompaniya tarkibida faoliyat ko‘rsatayotgan 11 ta fabrika 20 dan ortiq brend ostida 350 dan ortiq mahsulot, jumladan, “Kiriyeshki”, “3 korochki” suxarilari,  “Chipsoni” chipsilari, “Yashkino” vaflisi, shuningdek  “Babkini semechki” kabilarni ishlab chiqarmoqda. “KDV grupp” mahsulotlari MDHning ba’zi mamlakatlariga eksport qilinadi.

“Shtengelov o‘z biznesini kengaytirish va jiddiy mustahkamlash uchun iqtisodiy o‘sish sur’atlarining pasayishidan foydalandi”, — deydi Walnut Capital konsalting kompaniyasi boshqaruvchi sherigi Artyom Motorniy. Rubl devalvatsiyasi kakao narxi oshishiga sabab bo‘ldi, buning oqibatida shokolad narxi oshib ketdi — shuning uchun rossiyaliklar xamirdan tayyorlangan konditer mahsulotlarini (“KDV grupp” biznesi yo‘nalishlaridan biri) afzal ko‘ra boshladi, deydi Konditer bozori tadqiqotlari markazi ijrochi direktori Yelizaveta Nikitina.

2016-yilda  “KDV grupp” Rossiya bozorida sneklar sotish bo‘yicha Mondelez’dan keyingi, ikkinchi o‘rinni egalladi.