Россиянинг Avanti тадбиркорлар уюшмаси президенти Рахман Янсуков президентликка ўз номзодини қўйишини эълон қилди, деб ёзади «РБК». Россия президенти матбуот котибининг қизи Елизавета Пескова июлнинг бошидан август охиригача уюшма раҳбарининг маслаҳатчиси бўлиб ишлаган.
Россиянинг муваффақиятлари дунёда давлат раҳбари Владимир Путин билан бирга тасаввур қилинади, аммо мамлакат «глобал геосиёсий зиддият шароитида» бўлиб, «демократик қадриятларни тарқатиш ва ўрнатиш ниқоби остида» чет давлатлар Россияни беқарорлаштирмоқчи, деди Avanti президенти.
Янсуков нашрга маълум қилишича, ўз номзодини президентликка қўйиш билан у ёшларнинг сайловда қанташиш даражасини оширишга ва «қийин вақтда вазиятни янада мураккаблаштираётган Алексей Навальний бунинг аксини исботлашга ҳарчанд уринмасин», ёш россияликлар «ватанпарварлик кайфиятида» эканлигини исботлашга умид қилмоқда.
Аввалроқ Avanti тадбиркорлар уюшмаси Марказий банкка Владимир Путиннинг портрети туширилган купюра босиб чиқаришни таклиф қилган эди.
Изоҳ (0)