Қимматбаҳо қоғозлар билан амалга оширган қаллоблиги туфайли дунёга машҳур бўлган ва «Уолл-Стрит бўриси» номини олган Жордан Белфорт Financial Times нашрига берган интервьюсида акцияларни бирламчи жойлаштириш (ICO) тарихдаги энг йирик фирибгарлик эканлигини таъкидлади. Бу ҳақда «Коммерсант.ru» хабар бермоқда.
«ICO тарафдорлари энг юқори тартибли глобал қаллоблик схемасини амалга оширади, — деди Белфорт. — Балки уларнинг 85 фоизи ёмон нарсани ўйламагандир, лекин муаммо шундаки, ҳатто сизни алдашга уринаётган 5–10 фоиз ҳам жиддий фожиадир».
«Бу тарихдаги энг йирик қаллоблик, улкан фирибгарлик, у кўп одамларга ўнгланмас зарар келтиради. Бу мен қилган ишлардан анча ёмон», — хулоса қилди Белфорт.
Белфорт қимматбаҳо қоғозлар махинацияси туфайли 22 ойлик қамоққа маҳкум қилинган эди. Унинг Stratton Oakmont компанияси етти йил давомида амалга оширган қаллобликлари оқибатида инвесторлар 200 миллион доллар йўқотди.
Изоҳ (0)