Qimmatbaho qog‘ozlar bilan amalga oshirgan qallobligi tufayli dunyoga mashhur bo‘lgan va “Uoll-Strit bo‘risi” nomini olgan Jordan Belfort Financial Times nashriga bergan intervyusida aksiyalarni birlamchi joylashtirish (ICO) tarixdagi eng yirik firibgarlik ekanligini ta’kidladi. Bu haqda “Kommersant.ru” xabar bermoqda.
“ICO tarafdorlari eng yuqori tartibli global qalloblik sxemasini amalga oshiradi, — dedi Belfort. — Balki ularning 85 foizi yomon narsani o‘ylamagandir, lekin muammo shundaki, hatto sizni aldashga urinayotgan 5–10 foiz ham jiddiy fojiadir”.
“Bu tarixdagi eng yirik qalloblik, ulkan firibgarlik, u ko‘p odamlarga o‘nglanmas zarar keltiradi. Bu men qilgan ishlardan ancha yomon”, — xulosa qildi Belfort.
Belfort qimmatbaho qog‘ozlar maxinatsiyasi tufayli 22 oylik qamoqqa mahkum qilingan edi. Uning Stratton Oakmont kompaniyasi yetti yil davomida amalga oshirgan qallobliklari oqibatida investorlar 200 million dollar yo‘qotdi.
Izoh (0)