Индонезия ташқи ишлар вазири Ретно Марсуди АҚШ расмийларидан қуролли қуролли кучлар бош қўмондони Гатот Нурмантиога мамлакатга кириш ман этилгани сабабини тушунтириб беришни талаб қилди. Бу ҳақда «ТАСС» хабар бермоқда.
«Биз икки масалага аниқлик киритишни истаймиз. Биринчидан, унинг АҚШга киришига тақиқ амал қиляптими? Иккинчидан, нима сабабдан шундай бўлганига изоҳ беришни талаб қиламиз», — деди вазир.
Шу билан бирга, Марсуди 22 октябрь, якшанба куни АҚШнинг Индонезиядаги элчиси телефон орқали суҳбатда юз берган ҳолат учун узр сўраганини билдирди.
Индонезия қуролли кучлари делегациясига бошчилик қилган Гатот Нурмантио Жакартадан 21 октябрда учиб кетиши керак эди. Бироқ Америка томони уни ҳеч қандай изоҳсиз АҚШга бориши ман этилгани ҳақида огоҳлантирди.
Изоҳ (0)