Москва вилоятида яшовчи 21 ёшли Александр Чусов Россия учун рекорд оғирликдаги ошқовоқни етиштирди. Бу ҳақда «ТАСС» хабар бермоқда.
Бунинг учун у майдони 6 га 8 метр бўлган иссиқхона қурди. Ошқовоқ етилгунча ўтган ярим йил давомида иссиқхонада махсус ҳарорат тартиби сақланди. Натижада сабзавот 423 килограмм тош босди.
Бу ошқовоқни Россияда қачонлардир етиштирилган энг катта сабзавот сифатида тан олиш учун етарли бўлди, бироқ мутлоқ дунё рекордини янгилашга етмади. 2016 йилда бельгиялик фермер оғирлиги 1190 килограмм бўлган ошқовоқни етиштирганди.
Москвада бўлиб ўтган «Куз ранглари» гуллар, ҳосил ва санъат фестивали якуни доирасида рекордчи ошқовоқ кесилиб, тадбир қатнашчиларига тарқатилди.
Изоҳ (0)