Вьетнамнинг Тханхао провинциясида уч ёшли болакай улкан илон устида сайр қилди, деб хабар берди Daily Mail.
Интернет тармоқларида пайдо бўлган видеодан кўриш мумкинки, болакай катталар иштирокида олти метрли питон устида ўтирибди. Илон эса ўз навбатида уни тушириб ташлашга ҳаракат қилмаган. Болакайнинг холасини айтишича, ушбу оила тўрт йилдан бери илонни уй ҳайвони сифатида боқиб келади. «Ўша куни ёмғир ёғганлиги сабаб ҳовли сув остида қолди. Шунинг учун улар илонни уйга кириб ўйнашига ва дам олишига рухсат беришди», — дейди аёл.
Видео Вьетнамнинг Тханхоа, Нгеан ҳамда Хатин провинцияларида содир бўлган сув тошқинлари оқибатида беш мингдан ортиқ оила эвакуация қилинган вақтда суратга олинган.
Эслатиб ўтамиз, табиий офат оқибатида камида 54 киши ҳалок бўлди, 39 киши эса бедарак йўқолди.
Изоҳ (0)