Дубай осмонида номаълум ёрқин жисм кўринди (видео)

16 октябрь куни Дубай шаҳри узра номаълум ёрқин жимс пайдо бўлди. Бу ҳақда «РИА Новости»га таяниб, «Вести.ru» хабар берди.

https://twitter.com/DXBMediaOffice/status/919972572950945793

Кўпчилик ушбу жисмни метеорит деб ҳисоблаган бўлса, яна кимлардир уни ёнаётган самолёт, дея тахмин қилган. Кейинроқ The National нашрининг Дубай астрономик гуруҳига асосланиб маълум қилишича, осмонда кўринган ёрқин жимс — атмосферада ёниб кетган космик кема қолдиқлари. Гап «Союз-2.1а» ракета-ташувчиси ҳақида кетаётган бўлиши мумкин. Ушбу ракета-ташувчи орбитага «Прогресс МС-07» космик юк кемасини олиб чиққан.

14 октябрь куни Халқаро космик станцияга учирилган «Прогресс МС-07» 16 октябрь куни станцияга муваффақиятли бориб уланган. Космик юк кемаси Халқаро космик станцияга ёқилғи, озиқ-овқат маҳсулотларини, сув ва бошқа керакли юкларни олиб чиққан.