АҚШнинг Нью-Жерси штатида яшовчи Жимми Смит телеканаллардан биридаги янгиликдан сўнг эски кўйлагидан топилган лотерея чиптасини текшириб кўришга қарор қилди ва 24 миллион доллар ютиб олди. Бу ҳақда Forum Daily хабар бермоқда.
Смит чиптани амал қилиш муддати якунланишига икки кун қолганда Нью-Йоркда ютуқни олганини билдирди.
Қўриқчиликдан нафақага чиққан Жиммининг айтишича, Нью-Йорк ва Нью-Жерсида 1960 йилдан бери лотерея чипталарини харид қилиб келади. Бироқ ҳар доим ютган ёки йўқлигини текширавермайди.
Бу гал Смит Манхэттендаги озиқ-овқат дўконидан чипта сотиб олганди. У кўпчилик каби бир марталик эмас, балки 26 йил мобайнида бериладиган тўловни танлади.
Изоҳ (0)