Киевнинг Оболонь туман суди собиқ президент Виктор Януковичнинг давлатга хиёнати иши бўйича йиғилишни 5 октябрда давом эттиради. Бу ҳақда суд жараёнига раислик қилувчи Владислав Девятко маълум қилди, дея хабар беради «Корреспондент.net».
«Суд танаффус эълон қилишга мажбур, иш вақтимиз якунланди. Келгуси йиғилиш 5 октябрь куни соат 10:00 да бўлиб ўтади», — деди судья Девятко.
28 сентябрь, пайшанба куни бўлиб ўтган суд йиғилишида айблов томони судьялар коллегиясига собиқ президентнинг чиқишлари, Россия қўшинлари Қрим ҳудудига киритилиши видеодалилларини намойиш этди.
Изоҳ (0)