Хитой пойтахтида жорий йилда поездлари машинистсиз бошқариладиган илк метрополитен йўналиши ишга туширилади. Бу ҳақда «ТАСС» хабар бермоқда.
Пекинда бугун, 20 сентябрь куни автоматик равишда ишлайдиган йўналишни синовдан ўтказиш бошланди. Робот-поездлар Фаншань уездини шаҳар маркази билан боғлайдиган 16,6 километрлик «Янфань» темир йўл тармоғида хизмат кўрсатади.
Шунингдек, Пекинда илк тезюрар трамвай йўналиши ҳамда магнит ёстиқча устида ҳаракатланадиган поезднинг илк йўналиши ҳам синовдан ўтказилмоқда. Поезд ҳаракати Шанхайдаги тезюрар йўналишдан фарқли равишда ўртача тезликда амалга оширилади.
Маълумот учун, Шанхай метроси узунлиги билан дунёда биринчи ўринда туради. Рўйхатнинг иккинчи ўрнини эса Пекин метроси эгаллаган.
Изоҳ (0)