АҚШнинг илгариги президенти Барак Обама маъмурияти томонидан жорий этилган, мамлакатга болалигида ноқонуний кирган муҳожирларни депортациядан ҳимоя қилишга қаратилган DACA дастурининг бекор қилиниши муносабати билан норозилик намойишлар бошланди. Бу ҳақда «РИА Новости» хабар бермоқда.
Дастурнинг бекор қилиниши ҳақида АҚШ бош прокурори Жефф Сэшнс 5 сентябрь куни эълон қилган эди.
Дональд Трамп маъмуриятининг ушбу қарорига қарши намойишлар Нью-Йоркда, Вашингтон ҳамда АҚШнинг қатор бошқа йирик шаҳарларида бўлиб ўтмоқда. Полиция намойишларнинг бир қанча иштирокчиларини ҳибсга олди.
CNN телеканалига кўра, полиция ушланганларга пластик кишанлар тақиб, уларни фургонларда олиб кетмоқда. Қанча одам ҳибсга олингани ҳали маълум эмас.
Изоҳ (0)