Дунёнинг энг меҳмондўст давлатлари рўйхати эълон қилинди. Ўзбекистон 96-ўринда

Африканинг Комора ороллари дунёдаги энг меҳмондўст давлатлар орасида биринчиликни эгаллади, деб хабар берди Passport Index портали.

Рейтингда 103 та давлат иштирок этган бўлиб, рўйхат мамлакатлар қанча бошқа давлат фуқароларини визасиз қабул қила олишига, мамлакатга келиши билан виза тайёрлаб бериши ёки кириши учун электрон рухсатнома тақдим этилишидаги енгилликлар асосида тузилган.

Коморага дунёнинг 198 давлатида истиқомат қилувчи барча фуқаролар қийинчиликсиз ташриф буюриши мумкин. Комора билан бир қатордан Кот-д’Ивуар, Гвинея-Бисау, Мадагаскар, Малдив ороллари, Микронезия, Мозамбик, Самоа, Сейшель ороллари, Шарқий Тимор, Тувалу ва Уганда давлатлари ҳам жой олган.

Иккинчи поғонада эса 197 давлат фуқароларига виза режимларини енгиллаштирган Кaбо-Верди ҳамда Доминикан Республикаси жойлашган. Учликка 196 кўрсатгичи билан Палау якун ясади.

Россия ушбу рейтингдан 83-ўринни эгаллади. Ушбу мамлакатга 42 та давлат фуқароларининг киришига енгиллик яратилган.

Ўзбекистон эса 9 кўрсатгичи билан 96 ўринни эгаллади.