Қозоғистоннинг Чимкент шаҳрида 2017 йилнинг 6 ойи давомида 18 нафар ўсмир ўз жонига қасд қилишга уринган. Улардан 13 нафарининг ҳаётини сақлаб қолишга муваффақ бўлинди. Бу ҳақда Чимкент шаҳар таълим бошқармасига таяниб, Kazakhstan Today хабар берди.
Статистик маълумотларга кўра, ўз жонига қасд қилаётганларнинг ёши 13—16 атрофида. Психологлар ўсмирларни ўз ҳаётига қасд қилиш ниятидан қайтаришнинг энг яхши ечими — бу катталарнинг эътибори эканлигини таъкидлашади.
Жаҳон соғлиқни сақлаш ташкилотининг маълумотларига кўра, 2000 йилда бир миллионга яқин одам ўз жонига қасд қилиш оқибатида вафот этган, 2020 йилга бориб эса ушбу кўрсатгич 1,5 баробарга ортиши мумкин.
Дунё бўйлаб бир миллионга яқин одам ўз жонига қасд қилса, шундан саккиз минги қозоғистонликлардир. Дунё бўйлаб ҳар 40 сонияда битта одам ўзини ўзи ўлдирса, Қозоғистонда ҳар соатда кимдир ўз жони билан ихтиёрий равишда видолашади.
Жаҳон соғлиқни сақлаш ташкилотининг расмий веб-сайти ўз жонига энг кўп қасд қилиш ҳолатларини қайд этилган давлатлар рўйхатини келтирди. Рўйхатдан Хитой, Куба, Литва, Маврикия, Россия ва Шри-Ланка каби давлатлар ўрин олган.
Изоҳ (0)