Россиянинг Нижегородский вилоятида қурувчилар уйни бузиб, унинг ўрнидан йўл ўтказди. Бу ҳақда «ТВ Центр» телеканали хабар берди.
Уй эгаларининг айтишича, улар бир ой муддатга ишлаш учун кетган. Қайтиб келганларида уйнинг ярми йўқ бўлган. Қолгани эса ярим бузилган ҳолатда бўлган, уй эгаларининг қурилиш ва ер майдони бўйича барча ҳужжатлари бор. Ер майдони уларга ота-онасидан қолган.
Бир вақтда маҳаллий расмийлар ер майдони қурувчи ташкилотга тегишли эканлигини айтмоқда, ҳужжатлар ҳам буни тасдиқламоқда.
Вазиятга ҳуқуқни муҳофаза қилувчи органлар аралашган. Россия тергов қўмитасининг ҳудудий бошқармаси томонидан маълум қилинишича, 31 августда ҳудудий телеканалда уй орқали ўтувчи йўлнинг қурилиши бўйича кўрсатув намойиш этилган. Мазкур ҳолат бўйича терговга қадар текширув ишлари бошланган.
Уй эгасининг таъкидлашича, юз берган воқеа натижасида улар уйсиз қолган. Оила аъзолари янги қурилган йўлни тўсиқлар билан тўсиб, унда чодир ўрнатган ва шу чодирда яшамоқда.
Изоҳ (0)