Бирлашган Араб Амирликларига ташриф буюрувчи сайёҳлар яқин орада дунё рекордини янгилайдиган аттракцион — икки километрли зиплайндан баҳра олиши мумкин. Бу ҳақда UAE Inside хабар бермоқда.
Аттракционнинг ҳақиқий узунлиги сир сақланмоқда, бироқ ташкилотчилар ҳозирда Пуэрто-Рикога тегишли бўлган дунё рекорди (2,2 километр) янгиланишини ваъда бермоқда. Шуниси ҳам борки, мазкур лойиҳага ҳам рекорд ўрнатган компания пудратчилик қилмоқда.
Компания баёнотида зиплайн узунлиги 28 футбол майдонига, саёҳат тезлиги эса соатига 90 дан 120 километргача етиши мумкинлиги билдирилмоқда.
Изоҳ (0)