«Ғарб — 2017» ҳарбий машғулотларининг ташкилотчилари Беларуснинг бир қисмини Вейшнория деб номлади. Бу давлатга аллақачон байроқ, герб ва паспорт ўйлаб топилди

Россия ва Беларусь қуролли кучлари сентябрь ойининг ўртасида «Ғарб — 2017» ҳарбий машғулотларини ўтказади. Машғулотлар сценарийсига кўра, рус ва беларус ҳарбийлари Беларусь ҳудудидаги вазиятни издан чиқармоқчи бўлган Вейшнория, Весбария ва Лубения номли ўйлаб топилган ғарб мамлакатларига қарши чиқади. Бу ҳақда Meduza хабар берди.

Лубения Польшанинг шимоли-шарқий қисмини ва Литванинг жануби-ғарбий қисмини эгаллаган. Весбария эса Литва ва Латвия ҳудудида жойлашган. Вейшнория Беларуснинг ғарбий қисми бўлди.

Беларуслик интернет фойдаланувчиларига уларнинг мамлакати ҳудудида янги давлат «пайдо бўлгани» ёқди. Улар Вейшнориянинг герби ва байроғини ўйлаб топишни ва мадҳиясини ёзишни бошлади.

Россия ТИВ номидан Вейшнория Республикаси билан дипломатик алоқалар ўрнатилганини маълум қиламиз.

Вейшнорияда аллақачон валюта, белгилар, паспорт, президент ва ТИВ пайдо бўлди.

1 ВСН = 5 УСД Фақат Вейшнориядаги валюта алмашиш пунктларида.

Мамлакат паспортининг энг яхши дизайнига эга бўлинг.

https://twitter.com/LitVata/status/902939715485270018

Беларусь ҳеч қачон мавжуд бўлмаган. У — Вейшнориянинг шарқий қисми.

2017 йил 30 августда Беларусдаги оператив ҳолат.

Хабар берилишича, Беларусь ғарбида Вейшнориянинг пайдо бўлиши тасодифий эмас. Беларуслик фойдаланувчи Сергей Чалийнинг ёзишича, ўйлаб топилган давлат 1994 йилдаги президентлик сайловлари вақтида мухолифатчи номзод Зенон Ползякка фаол воз берилган ҳудудда жойлашган. Позняк ўша сайловда 12,8 фоиз овоз олган, 1996 йилда эса Беларусдан кетган.