АҚШ Ҳарбий-денгиз кучлари раҳбарияти Тинч океанидан қўним топган 7-флот қўмондони вице-адмирал Жозеф Окоинни хизмат вазифасидан четлатиш ниятида. Бу ҳақда «ТАСС» хабар бермоқда.
Мазкур флот жавобгарлиги доирасидаги ҳудудларда Америка эсминецлари билан боғлиқ фавқулодда ҳолатлардан сўнг шундай қарор қабул қилинди.
The Wall Street Journal нашрига кўра, вице-адмирал ёшига етгани туфайли яна бир неча ҳафтадан сўнг шундоқ ҳам истеъфога чиқиши керак эди. Бироқ ҲДК раҳбарияти уни ишончни йўқотган ҳисоблаб, шармандаларча бўшатишга қарор қилди.
Бу ҳақда 23 август, чоршанба куни расман маълум қилинади.
21 август куни Сингапур яқинидаги Малакка бўғозида John S. McCain ракета эсминецининг Алниc МC танкери билан тўқнашувидан сўнг 10 нафар денгизчи бедарак йўқолди, 5 киши жароҳат олди.
17 июнда Идзу ярим ороли жанубидаги Иродзаки бурнидан 20 километр узоқда Fitzgerald эсминеци ҳам ACX Crystal контейнер ташувчиси билан тўқнашган ва 7 нафар америкалик денгизчи ҳалок бўлганди.
Изоҳ (0)