20 август куни Москва шаҳрида Даша исмли (исми ўзгартирилган) 15 ёшли мактаб ўқувчиси 9-қаватдан сакраб омон қолди, деб хабар берди «MK.ru».
Маълум бўлишича, қизалоқ Оқ кўлга чўмилгани бориш учун онасидан рухсат олган. Соат 14:00 да чиқиб кетган қиз уйига ярим тунда маст ҳолда кириб келган. Онасининг «ювиниб чиқиб, жойингга бориб ёт» деган гапига қулоқ солмасдан яна ташқарига отланган. Аёл эшикни ёпиб унинг ташқарига чиқишига тўсқинлик қилгач, қиз ошхонага югуриб бориб деразадан пастга сакраган.
Шундай баландликдан йиқилганига қарамасдан қиз омон қолди. 22 август куни Даша жонлантириш бўлимидан оддий палатага олиб ўтилди. Қизнинг яқинларини сўзларига қараганда, Дашанинг бош чаноғи бироз жароҳат олган, қовурғаси синган, тишлари ёрилган ва лаби йиртилган. Қизнинг омон қолишига дераза остидаги дарахт сабаб бўлган, у ўз шоҳлари билан Дашанинг ерга йиқилишини енгиллаштирган.
Ҳозирда ҳуқуқ-тартибот ходимлари мактаб ўқувчиси нима сабабдан деразадан сакраганига ойдинлик киритмоқда. Тахминлардан бирига кўра, қиз катта укаси билан уришиб қолганидан хафа бўлгани учун шундай қилган.
Изоҳ (0)