Башар Асад тузуми кимёвий қурол қўллашни зудлик билан тўхтатиши лозим. АҚШ Давлат департаменти Сурия армиясининг Шарқий Гутадаги кимёвий ҳужумига 4 йил тўлиши муносабати билан шундай баёнот берди, дея маълум қилди «Газета.ru».
АҚШ маъмуриятига кўра, 2013 йили мазкур ҳужум оқибатида 1400 дан ортиқ киши ҳалок бўлган.
«Сурия президенти тузуми кимёвий қурол қўллашни тўхтатиши, барча кимёвий қурол захираларини тўлиқ ошкор этиши ва Кимёвий қуролни тақиқлаш бўйича ташкилот билан ҳамкорлик қилиши зарур», — дейилади баёнотда.
Давлат департаменти кимёвий қуролни қўллаш бўйича халқаро ҳуқуқ, меъёр ва стандартларга риоя этмаганлиги учун расмий Дамашққа нисбатан тегишли чоралар кўрилишини таъкидлади
Изоҳ (0)