«Толибон» ҳаракати вакили АҚШ президенти Дональд Трампнинг Афғонистон ҳудудида Америка ҳарбий контингенти сақлаб қолиниши ҳақидаги баёнотини қоралади. Бу ҳақда «Газета.ru» хабар бермоқда.
«Афғонистонда урушни давом эттириш ўрнига америкаликлар аскарларини олиб чиқиш ҳақида ўйлашлари керак эди. Ҳарбий ҳаракатларимиз мамлакатимизда АҚШнинг биргина аскари қолгунча давом этади», — деди толиблар вакили Забиҳулла Муджаҳид.
Мазкур баёнот Трампнинг Афғонистон ва Жанубий Осиёдаги вазият бўйича расмий чиқишидан бир неча соат ўтиб янгради.
Маълумот учун, Fox News телеканалига кўра, Трамп Афғонистонга қўшимча 4 минг нафар америкалик ҳарбийни жўнатиш ҳақидаги фармонни имзолашга улгурди.
Изоҳ (0)