Россия президенти Владимир Путин Херсонесда «рус Маккаси»ни яратишни таклиф этди. Бу ҳақда «Интерфакс» хабар бермоқда.
«Бу ерда рус, Россия Маккасини яратиш лозим. Гап бу ерда княз Владимир чўқинтирилганида эмас, балки шундан сўнг марказлашган Россия давлатининг мустаҳкамланиши бошланганида», — таъкидлади Путин «Таврида Херсонеси» музей-қўриқхонаси олимлари билан учрашув чоғида.
Путинга кўра,»ягона бозор, тил, дин ва ҳокимият асосида миллий Рус давлати ва моҳиятан, рус миллати дунёга келди».
Россия президенти учрашув бошланишидан аввал Қрим ва Севастополни ривожлантиришнинг маънавий жиҳатларини муҳокама қилишни таклиф этди.
Изоҳ (0)